Siglir tar il cuntegn

Header

video
Bencic sa ruschna
Or da Sport-Clip dals 19.06.2022.
laschar ir. Durada: 47 Secundas.
cuntegn

Blessura al pe Bencic ha stuì dar forfait

Belinda Bencic ha stuì dar si il final a Berlin encunter la Tunaisa Ons Jabeur. Cun 3:6 ed 1:2 en retard, ha ella stuì dar si perquai ch'ella è sa blessada vi dal pe sanester.

Suenter dir cumbat en il final

Gia avant in onn aveva Bencic dumagnà en il final dal turnier. Questa giada ha ella stuì cumbatter dir. Passa trais uras cun passa 30 grads temperatura han las duas dunnas cumbattì. La finala gudogna Belinda Bencic cunter la Grecca Maria Sâkkari, quai cun 6:7, 6:4 e 6:4. Bencic ha mussà ch'ella vegn da tegnair la gnerva. En il terz set tar il stan da 5:4 ha la Grecca mussà l'emprima giada quai ch'ella sa, ma Bencic ha nizzegià suveran il terz matchball.

Bencic en il quartfinal

Belinda Bencic ha cuntanschì il mezfinal dal turnier da WTA a Berlin. La Svizra ha battì la Russa Veronika Kuder-metowa en 3 sets cun 3:6, 6:3 e 6:3. En il mezfinal frunta Bencic sin la Greca Maria Sakkari. L’unic duel tranter las duas giugadras ha Sakkari gudagnà e quai il 2020 a St. Petersburg.

Bencic è en il quartfinal

La giugadra da tennis svizra Belinda Bencic è vegnida en il quartfinal a Berlin. Ella ha battì la Russa Anna Kalinskaja cun 6:4, 1:6 e 6:1. En il quartfinal frunta Bencic u sin Ljudmilla Samsonowa u sin Veronika Kuder-mietova ch'en omaduas da la Russia.

video
Malgrà pitschna crisa è Bencic en il quartfinal
Or da Sport-Clip dals 16.06.2022.
laschar ir. Durada: 53 Secundas.

Belinda Bencic è en la segunda runda

Belinda Bencic è en la segunda runda dal turnier da WTA a Berlin. Ella ha gudagnà cunter la Tudestga Jule Niemeier da 22 onns cun 6:4, 5:7 e 6:3. Uss frunta Bencic sin Anna Kalinskaja. Pir l'emna passada avev'ella battì la Russa a 's-Hertogenbosch.

Jil Teichmann è out a Berlin

A Jil Teichmann n'è il cumenzament da la stagiun sin pastg betg reussì. Dal turnier da WTA a Berlin ha la giugadra da tennis svizra pers cunter l'Australiana Daria Saville cun 7:6, 5:7 e 2:6.

Saville è classada 80 posiziuns mender che Teichmann en la rangaziun mundiala. Ella emprova cun ses 28 onns in comeback suenter ch'ella era l'onn 2017 sut ses num da matta Gavrilova il numer 20 dal mund.

RTR novitads 15:00

Artitgels legids il pli savens

Scrollar a sanestra Scrollar a dretga