Il giugader dad Arsenal è sa blessà vi dal schanugl la dumengia durant il derby encunter Tottenham. Tenor infurmaziuns dal «Blick» ha Xhaka stgarpà in liom intern. Perquai sto el ussa far in pausa da 6 fin 8 emnas. Cunquai èsi er intschert sch'el è da la partida tar ils gieus dal november. El aveva fatg il posten il mardi ina foti da ses schanugl bandischà via instagram.
Xhaka era vegnì midà or la dumengia durant la partida tranter Arsenal e Tottenham. Entras la blessura vegn Xhaka probabel a manchentà tutas quater partidas da qualificaziun l'october ed il november. Gia las ultimas duas partidas aveva el manchentà pervia da corona.