Per la cunfavurita Nikita Ducarroz èn ils campiunadis mundials da velo gia a fin avant ch'els ha propi cumenzà. La cunfavurita svizra ha gia fatg naufragi en la qualificaziun da la disciplina BMX Freestyle.
La victura da la medaglia olimpica da bronz dal 2021 è crudada en l'emprim da dus «runs». Sco 13avla ha la Svizra uschia manchentà il final per ina plazza. Ils ultims dus onns aveva Ducarroz mintgamai gudagnà argient.
