En il Boardercross n'han las Svizras sco spetgà gì nagina schanza sin ina medaglia u in diplom olimpic: La meglra Svizra è stada Sina Siegenthaler sco 16avla. Ella ha stuì sa laschar operar gist avant quatter emnas vid il schanugl. Uschia è ella gia fitg cuntenta ch'ella aveva pudì sa qualifitgar avant per il quartfinal. Sco ulteriuras Svizras è Sophie Hediger vegnida 19avla e Lara Casanova 20avla.
Las medaglias
- Lindsey Jacobellis (Stadis Unids)
- Chloe Trespeuch (Stadis Unids)
- Meryeta Odine (Canada)
Las Svizras
- 16. Sina Siegenthaler
- 19. Sophie Hediger
- 20. Lara Casanova
Aur per Lindsey Jacobellis
La medaglia d'aur va a l'Americana Lindsey Jacobellis. Gia avant 16 onns avess ella bunamain gudagnà aur a Turin. Lura è ella però cupitgada curt avant la fin, uschia che la Svizra Tanja Frieden aveva pudì profitar e vegnir l'emprima campiunessa olimpica insumma en questa disciplina.