Dunnas
En il bob da dus als gieus olimpics èn las Svizzras Melanie Hasler e Nadja Pasternak vegnidas 6avlas. Il duo svizzer ha anc fatg bun ina plazza en il quart percurs. Sco ulteriuras Svizras èn Martina Fontanive ed Irina Strebel sa classifitgadas sin plazza 20.
La Germania ha fatg ina victoria dubla – terzas èn vegnidas las Americanas.
Umens
Mo per pauc manchentan Michael Vogt e Sandro Michel ina medaglia olimpica en il bob da dus. Els dus vegnan quarts. Per vegnir sin il podest mancan ad els dus mo 25 tschientavels.
Il segund duo Svizzer, Simon Friedli ed Andreas Haas, na pon betg persvader. Els vegnan 18avels cun in retard da 4,26 secundas.
Gronda victura da la cursa è il pajais vischin: Tut las trais medaglias van en Germania.