Legenda:
Martina Hingis e Timea Bacsinszky cuntanschan il quartfinal dal dubel en il turnier olimpic da Rio
Keystone
cuntegn
Bom dia Rio - Hingis/Bacsinsky cuntanschan quartfinal a Rio
Martina Hingis e Timea Bacsinszky cuntanschan il quartfinal dal dubel en il turnier olimpic da Rio. Las Svizras gudognan cunter las duas Americanas Bethanie Mattek-Sands e Coco Vandeweghe en dus sets cun 6:4 e 6:4.
Las duas suletas giugaduras svizras al turnier da tennis olimpic a Rio, Martina Hingis e Timea Bacsinszky, han gudagnà la secunda runda e fatg uschia il pass en il quartfinal. Entant ch'i avevan anc duvrà 3 sets per gudagnar en l'emprima runda, hai duvrà glindesdi notg mo 2 sets. Ellas han battì il duo american Mattek-Sands/Vandeweghe cun 6:4 e 6:4.
En la proxima runda fruntan Hingis e Bacszinszky u sin las Britas Johanna Konta e Heather Watson u sin Hao-Ching Chang e Yung-Jan Chan dal Taiwan.
