Gist suenter la partida cunter la Frantscha e la qualificaziun ils otgavelfinals han ils giugaders sulettamain giudì il success sin il plaz, senza gronda festa.
Il di suenter la qualificaziun è stà in di da paus per ils giugaders da l’equipa naziunala. Nagin dad els ha gì in termin, tuts han savì far mo quai ch'els vulevan. Ils ins han passentà il di cun lur dunnas o partenarias, auters èn stads a la mar ed anc auters han giudì il di cun ir en la citad.
A partir da mardis è il focus lura sin la partida d'otgavelfinal. Pussaivels adversaris la sonda a Saint Etienne pudessan esser il champiun mundial da la Germania ubain lura l’equipa da la Pologna u l’Irlanda dal Nord.