Adina cura che la squadra naziunala franzosa gioga a chasa n’è ella betg da batter. Quai era gia tar il turnier dal campiunadi d’Europa l’onn 1984 uschia e quai era er l’onn 1998 tar il champiunadi mundial il cas. Cler che l’Equipe Tricolore actuala vul far sco las equipas da pli baud: gudagnar il titel da campiun a chasa.
Ils fans èn segirs. La squadra naziunala gudogna era il turnier 2016. Ed uschia duess l’equipa far als fans che han sustegni la squadra durant las ultimas emnas il pli grond regal. Daventar campiun europeic.
Dentant vul er il Portugal scriver istorgia. Per l’equipa da Cristiano Ronaldo è la partida da final l’emprima dapi il 2004. Al turnier en l’agen pajais aveva il Portugal pers encunter la Grezia. Quai na duess uss betg pli schabegiar.
RR actualitad 07:00