Il Vadais Ahumada ed Schäuble da la Sutsilvania èn partids spert a la cursa. Tar la mesadad dal traject suenter 1000 meters han manà, en la terza fasa, 500 meters avant la finamira, èn stads sulettamain ils campiuns olimpics ed ils campiuns mundials irlandais Paul O'Donovan/Fintan McCarthy avant ils Svizzers.
A la fin esi però anc vegnì stretg pertutgant la medaglia. Suenter ch'ils Talians Stefano Oppo/Pietro Ruta han surpassà Ahumada/Schäuble, è la bartga portugaisa anc vegnida datiers, be 38 tschientavels han mancà a la fin per lez.
Nus essan total cuntents.
Il dubel dal pais lev svizzer aveva gudagnà questa stagiun il classament general da la cuppa mundiala – cun trais differentas cumbinaziuns. Era Andri Struzina cumbatta per ina plazza an quella bartga olimpica.
A quel campiunadi è el sa preschentà persul – e cun success. Era el ha gudagna bronz. Il Grec Antonios Papakonstantinou ed il Talian Gabriel Soares eran betg cuntanschibels per el.
Jau hai empruvà da star datiers dad els, ma oz n'era quai betg pussaivel.
La bartga dubla leva da las dunnas cun Frédérique Rol e Patricia Merz è vegnida 5avla.
Staffla Triatlon maschadà
Il quartet cun Max Studer, Cathia Schär, Simon Westermann e Julie Derron ha absolvì il traject sur quatter giadas 300 meters nudar, 7,2 kilometers ir cun velo e 1,6 kilometers currer mo 49 secundas pli plaun ch'ils topfavurits da la Frantscha. Il traidubel campiun mundial e defensur dal titel è sa mess tras en il parc olimpic da Minca var 33 secundas avant l'ospitant, la Germania.
L'emprim atlet per la svizra è stà Max Studer. Suenter sia prestaziun dischillusiunanta en la concurrenza singula - 22avel plaz – ha l'um da Soloturn mussà ina ferma concurrenza e ha surdà sco emprim a Cathia Schär. La Romande sco suenter era ses partenari da vita Simon Westermann han mintgamai be pers in plaz.
A la davosa atleta, Julie Derron, èsi la finala gartegià da segirar la medaglia. La campiunessa europeica dal 2020 en la disciplina singula, ha en tranteren schizunt pudì surpassar la Tudestga Laura Lindemann, sin il segund plazz, sin il davos tschancun da currer ha la Turitgaisa dentant stuì laschar passar l'indigena.