Per la squadra da Bayern èsi gia il 9avel titel en seria. Per il 30avel titel durant il temp da la Bundesliga datti uss ina tschintgavla staila da campiun sin il tricot. Tant per Thomas Müller sco er per David Alaba èsi gia il 10avel titel da campiun en Germania – tants titels sco nagin'auter giugader.
Bayern aveva l'onn passà gudagnà il triple ord campiunadi, cupe Champions League. Quest onn datti «mo» il titel da campiunadi. En il cup era la squadra da Hansi Flick crudada or en la segunda runda cunter Holstein Kiel, en la Champions League cunter Paris Saint-German.
Igl è il 7avel titel che la squadra da Minca ha gudagnà cun Hansi Flick – dentant era il davos. L'um da 56 onns ha terminà ses contract anticipadamain sin la fin da la stagiun. El vala sco in dals favurits per succeder a Joachim Löw sco trenader da la naziunala tudestg.
Tier Bayern succeda Julian Nagelsmann, il trenader actual da Leipzig, a Flick.