Siglir tar il cuntegn

Header

cuntegn

Buobs fan la lutga Lutga da mats a Zuoz

Passa 70 buobs da l’entir Grischun han tratg èn a Zuoz las chautschas da taila per far la lutga. En trais differentas categorias da vegliadetgna èn vegnids eruids ils victurs. Quels han num Andri Ammann da Tavau, Cyrill Krieg da la Svizra Centrala e Josias Müller da la Muntogna.

La lutga da mats a Zuoz ha ina lunga tradiziun. La lutga che ha sias ragischs a Chapella datti gia dapi 15 onns. Durant quest temp è la la lutga dals mats sa sviluppada a la pli gronda festa da lutga per mats e giuvenots tranter 8 e 15 onns da l’entira regiun.

audio
Bilantscha dal president Berni Locher
00:28 min, Actualitad dals 21.08.2021.
laschar ir. Durada: 00:28 minutas.

Anc mai tants mats

Passa 70 buobs e giuvenils da tut ils clubs da lutga dal Grischun han fatg part a la lutga da giubileum a Zuoz. La Societad da lutga engiadinaisa ha organisà cun blera premura e cun anc dapli plaschair ina stupenta festa sin la plazza da sport Purtum a Zuoz. Ed ils numerus visitaders ch'èn vegnids a guardar las lutgas han vis sport da lutga dad auta qualitad. En trais differentas categorias da vegliadetgna èn vegnids eruids ils megliers. Tar ils pli giuvens è quai Andri Ammann da Tavau, tar ils mesauns Cyrill Krieg dal club da March Höfe da Sviz e tar ils pli vegls Josias Müller da la Muntogna.

Loris Beer da Ftan – l'unic Engiadinais

Pir per la segunda giada ha Loris Beer da Ftan fatg part ad ina festa da lutga. Il giuven da 15 onns ha la primavaira cumenzà cun la lutga. La premiera ha el gì tar la lutga da Sertig la fin da fanadur. La lutga da buobs a Zuoz era sia premiera en Engiadina. Ed il giuven Engiadinais ha gia mussà bunas lutgas. Da las tschintg lutgas ch'el ha fatg a Zuoz ha el gudagnà trais. La lutga finala ha el manchentà mo per in quart punct. Tuttina è il giuven stà suenter la lutga da buobs fitg cuntent. El sa legra da trenar vinavant e da far vinavant progress en il resgim.

audio
Loris Beer è cuntent cun sias lutgas
03:14 min, Actualitad dals 21.08.2021.
laschar ir. Durada: 03:14 minutas.

Impressiuns da Zuoz

RTR actualitad 17:00

Artitgels legids il pli savens

Scrollar a sanestra Scrollar a dretga