Giugadras e giugaders da ballape duain daventar pli fairs ed uschia reducir ils accidents. Per quest intent lantscha la Suva ina campagna da fair-play.
Er profis sco Christian Fasnacht u Lara Dickenmann sustegnan la campagna. Tenor la Suva datti mintg'on en Svizra radund 45milli accidents da ballape. In terz da quels vegnian chaschunads entras fouls. Fouls na chaschunian betg mo dolurs, mabain er interrupziuns da la lavur e custs. Passa la mesadad da las blessuras entras fouls dovrian in temp da guariziun da dapli ch'in mais.