Per Bilbao surpiglia Sevilla l'organisaziun. Ils trais gieus da gruppa planisads a Dublin, surpiglia St. Petersburg, l'otgavelfinal Londra. Minca resta dentant giastader per il CE perquai che la regenza è da l'avis ch'in event cun 14'500 aspectaturas ed aspectaturs saja realistic.
Questas trais citads n'eran anc betg fixadas definitivamain perquai ch'ellas n'avevan anc betg garantì d'esser abels da realisar gieus cun aspectaturas ed aspectaturs. Londra, Glasgow, Amsterdam, Kopenhagen, Budapest, Bukarest, St. Petersburg, Baku e Roma eran gia decidids avant.
Il campiunadi europeic era vegnì spustà l'onn passà pervi da la pandemia e vegn giugà per l'emprima giada en questa furma repartida sin l'entira Europa. Il campiunadi ha lieu dals 11 da zercladur fin ils 11 da fanadur.