La naziunala da ballape svizra ha era gudagnà ses segund gieu da qualificaziun per il campiunadi europeic da l'auter onn en Germania.
A Genevra ha l'equipa dal trenader Murat Yakin battì l'Israel cler e net cun 3:0. Ils gols han sajettà Ruben Vargas, Zeki Amdouni e Silvan Widmer.
En la medema gruppa han il Cosovo e l'Andorra giugà pari 1:1 e la Rumenia ha gudagnà cunter il Belarus cun 2:1.
Ulteriurs resultats:
La Georgia e la Norvegia han giugà pari 1:1. Surprendentamain ha la Scozia battì la Spagna cun 2:0. La Tirchia ha pers cunter la Croazia cun 0:2 e Wales ha battì la Lettonia cun 1:0.