A Roma ha il Tessinais Noè Ponti be stuì laschar passar il campiun mundial Kristof Milak da l'Ungaria. Lez è nudà ils 100 meters en il stil delfin en 50,33 secundas – radund ina mesa secunda pli spert che Ponti, cun 50,87.
Il pli spert da la qualificaziun
Il nudader tessinais Noè Ponti ha cuntanschì ils mezfinals al campiunadi europeic a Roma. Sur ils 100 meters delfin è Ponti stà il spert da las cursas d'eliminaziun.
Noè Ponti aveva gudagnà la medaglia da bronz sur ils 100 meters delfin als Gieus olimpics da l'onn passà a Tokio. Al campiunadi mundial a Budapest avant curt è el daventà 8avel.