Antonio Djakovic gudogna sin la fin dal campiunadi europeic da nudar a Roma argient sur 400 meters en stil liber. Aur va al Tudestg Lukas Märtens, bronz a Henning Mühlleitner, er da la Germania.
Per il Turgovian da 19 onns èsi la segunda medaglia d'argient a Roma, suenter quella da 200 meters distanza en stil liber. En la cursa finala ha el pudì meglierar cleramain il record svizzer.
La delegaziun svizra ha uschia fin uss quatter medaglias. Ord vista svizra èn quai ils campiunadis europeics cun il pli grond success da fin qua.