Siglir tar il cuntegn

Header

cuntegn

Campiunadi europeic Gronda speranza e grond frust tar ils fans da la Svizra

audio
Public viewing a Cuira
ord Actualitad dals 03.07.2021.
laschar ir. Durada: 4 minutas 23 Secundas.

Gia in’ura avant ch’il gieu tranter la Svizra e la Spagna ha cumenzà, era massa glieud sa rimnada sin il plaz datiers dal «Obertor» ella citad veglia da Cuira. La televisiun era montada ed ils adherents da ballape pronts sin il gieu decisiv. Igl è stà cler ch’ils pli blers spetgavan sin ina victoria da l’equipa naziunala svizra. Uschia era ils dus giuvens e las trais giuvnas da Breil.

Els portian bain nagin tricot da la Svizra, ma tuttina sentan ins lur passiun per il ballape. Auter che la gruppa da Breil n’han fitg bleras aspectaturas ed aspectaturs betg chattà in plaz da seser:

audio
Curt avant il gieu
ord Actualitad dals 03.07.2021.
laschar ir. Durada: 1 minuta 5 Secundas.

Tranter ils blers tricots cotschen-alvs han ins era pudì chattà la bandiera cotschna e melna – la bandiera spagnola. E precis quels fans spagnols han spertamain gì motiv da sa legrar. Ella otgavla minuta ha Zakaria senza vulair manà il ball el gol da l’atgna equipa ed uschia purtau la victoria in zichel pli datiers. Era sch’il gol n’è betg stà fitg plaschaivels per ils fans svizzers n’han els betg dà si la speranza:

audio
Atmosfera suenter gol Spagna
ord Actualitad dals 03.07.2021.
laschar ir. Durada: 1 minuta 5 Secundas.

L’emprima mesadad è ida a fin senza in gol dal la vart dils Svizzers.

audio
Pausa: discurs cun Sandro Cavegn
ord Actualitad dals 03.07.2021.
laschar ir. Durada: 2 minutas 50 Secundas.

Quai duess dentant sa midar en la 68avla minuta. Xherdan Shaquiri sajetta il bal en il gol dal adversari e la legria para bunamain dad esser palpabla. La massa dals adherents svizzers giubilescha ed uschia era las giuvnas ed ils giuvens da Breil. Quell’euforia na cuzza dentant betg uschè ditg sco giavischà. La carta cotschna adressada a Remo Freuler fa surstar ils aspectaturs e las aspectaturas. Uschia che l’equipa naziunala sto giugar sulettamain en diesch vinavant. Davent da quest mument èn tut ils egls stai drizzà sin la televisiun plazzada amez il plaz:

audio
Gol dals Svizzers e carta cotschna
ord Actualitad dals 03.07.2021.
laschar ir. Durada: 1 minuta 23 Secundas.

La prolungaziun è stada dominada da bler applaus per il goli Yann Sommer. El ha impedì blers gols dals Spagnols. Era sche ils blers avessan giavischà in gol dals Svizzers en la prolungaziun èn els stà segirs: sch’i vegn enfin il sajettar penaltis è la chaussa clara:

Lura gudagnain nus segir –  Yann Sommer tegn tut
Autur: giuvna da Breil

La prolungaziun è ida a fin senz’in gol ed uschia vegn il gieu decidì en la runda da penaltis. La tensiun ha cuntanschì il punct culminant e blers dals aspectaturs e da las aspectaturas stattan sin pais sin las sutgas – in «hooopp schwiiiiz» resuna atras las massa. Tut quai gida dentant nagut. Dals emprims quatter svizzers ha sulet Mario Gavranovic tutgà il gol. Da la vart dals Spagnols han gist trais giugaders tutgà. Quai munta ch’il siemi è a fin ed il plaz sa svida plaunet. Ed uschia sa renda era la gruppa dals giuvenils da Breil a chasa cun massa impressiuns da la saira. Ed era sche la Svizra na betg cuntanschì il mezfinal vegn quai Campiunadi europeic adina a restar en buna memoria.

audio
Gieu è a fin
ord Actualitad dals 03.07.2021.
laschar ir. Durada: 2 minutas 15 Secundas.

RTR actualitad 07:00

Artitgels legids il pli savens