Siglir tar il cuntegn

Header

cuntegn

Campiunadi europeic La Croazia resta senza victoria

La Croazia è ussa suenter duas partidas sut squitsch.

En la partida, che n’è betg stada spectaculara, ha in penalti pervi dad in foul purtà l’emprim gol. Grazia al gol da Patrick Schick en la 37avla minuta è la Tschechia ida en avantatg. Per l’1:1 ha lura il Croat Ivan Perisic procurà. Entant che la Tschechia ha gia quatter puncts, ha la Croazia enfin ussa be in. En la proxima partida dattan ils Croats cunter ils Scots.

Engalterra cunter Scozia

En il derbi da la gruppa D ha l’Engalterra fatg in pari da 0:0 cunter la Scozia. Ils Englais han ussa quatter puncts. L’ultim gieu da gruppa dattan els cunter la Tschechia. Sin ils Scots percunter spetga la Croazia. Quella partida sco la Scozia gudagnar – sch’ella vul cuntanscher ils otgavelfinals.

Svezia cunter Slovachia

La Svezia gudogna be cnap cunter la Slovachia. Il sulet gol per la squadra da Janne Andersson ha sajettà Emil Forsberg in quart d'ura avant la fin davent il punct da penalti.

Igl è stà sur lung temp ina partida sin l'autezza dals egls. Gia sco tar la victoria cunter la Pologna cun 2:1 en l'emprima runda, avessan ils Slovacs savì sajettar in u l'auter gol dapli.

RTR Novitads 17:00

Artitgels legids il pli savens