Medaglia d'argient per Lars Forster als European Games en la Pologna. Il mountainbiker dal chantun Son Gagl è vegnì segund en la cursa da Cross Country davos il Rumen Vlad Dascalu. La Turitgaisa Sina Frei ha gudagnà bronz: Per ella è quai l'emprima medaglia ad in campiunadi europeic tar l'elita. Sin plaz 4 è Jolanda Neff. Ella manchenta il podest per 15 secundas.
video
Ils davos meters per Sina Frei
Or da Sport-Clip dals 25.06.2023.
laschar ir. Durada: 24 Secundas.
Gudagnà ha l'Ollandaisa Puck Pieterse. Sin plaz dus è l'Austriaca Mona Mitterwallner.
Ed anc tar in'ulteriura novitad or dal sport da velo: Marlen Reusser è per la terza giada campiunessa svizra da cursas sin via. E quai sulet 5 dis suenter la victoria en il classament general da la Tour de Suisse.
