Siglir tar il cuntegn

Header

cuntegn

Campiunadi europeic Premiera en l’Arena da biatlon a Lantsch

La mesemna ha cumenzà a Lantsch il campiunadi europeic da biatlon – ils IBU Open European Championships Biathlon 2023 – ina premiera en Svizra. Igl è l’emprim da total trais gronds events da biatlon ils proxims onns a Lai.

Il campiunadi europeic vala er gist sco l’emprova generala per il punct culminant che suonda lura il schaner 2025. En bun dus vegn cumbattì en l’Arena da biatlon a Lantsch per medaglias dal campiunadi mundial. E gia la proxima stagiun, il december 2023, stat sin il program a Lantsch l’emprima cuppa mundiala da biatlon.

Voluntari, iniziant e bab

Ursin Fravi è in da radund 300 voluntaris ch'è en acziun quest'emna durant il campiunadi europeic da biatlon a Lai.

audio
Ursin Fravi sur da il campiunadi europeic da biatlon a Lantsch
ord Actualitad dals 27.01.2023. Maletg: RTR
laschar ir. Durada: 7 minutas 49 Secundas.

Per il chanzlist da Lantsch èsi in eveniment spezial. El tutga tar ils iniziants da l'arena da biatlon, è uss voluntari e plinavant è ses figl Laurin Fravi era anc en acziun a quest campiunadi europeic. Cumbinar la lavur sco voluntari ed i esser fan da ses figl n'è betg adina simpel.

Gronda festa da biatlon a Lai

Al campiunadi d’Europa prendan part 267 atletas ed atlets da passa 30 naziuns. Plinavant vegnan er spetgads a Lai radund 200 trenaders e funcziunarias. Per pudair organisar quest event sin in nivel pli aut pussibel han ils da Lai engaschà radund 300 voluntaris.

Swiss Ski ha nominà per quest campiunadi europeic da chasa 14 atletas ed atlets. A la partenza van era quatter grischuns. Dasper las duas soras Aita ed Elisa Gasparin èn quai Lea Meier e Serafin Wiestner.

audio
Prevista al campiunadi d'Europa: in'emprima gronda festa da biatlon a Lai
ord Actualitad dals 24.01.2023. Maletg: Keystone
laschar ir. Durada: 6 minutas 44 Secundas.

Biatletas svizras al campiunadi d’Europa 2023 a Lai:

  • Amy Baserga
  • Aita Gasparin
  • Elisa Gasparin
  • Lena Häcki-Gross
  • Lydia Hiernickel
  • Lea Meier
  • Susi Meinen

Biatlets svizzers al campiunadi d’Europa 2023 a Lai:

  • Sandro Bovisi
  • Joscha Burkhalter
  • Dajan Danuser
  • Jeremy Finello
  • Niklas Hartweg
  • Sebastian Stalder
  • Serafin Wiestner

Program da cursa

Mesemna, ils 25 da schaner:

  • 10:15 uras: cursa singula dunnas (15 kilometers)
  • 14:00 uras: cursa singula umens (20 kilometers)

Venderdi, ils 27 da schaner:

  • 10:30 uras: sprint dunnas (7,5 kilometers)
  • 14:00 uras: sprint umens (10 kilometers)

Sonda, ils 28 da schaner:

  • 10:30 uras: cursa da persecuziun dunnas (10 kilometers)
  • 13:30 uras: cursa da persecuziun umens (12,5 kilometers)

Dumengia, ils 29 da schaner:

  • 10:30 uras: staffetta maschedada
  • 13:30 uras: staffetta maschedada singula

RTR actualitad 17:00

Artitgels legids il pli savens