Siglir tar il cuntegn

Header

cuntegn

Campiunadi Europeic U-21 Svizra cumenza cun ina victoria

La Svizra procura gist al cumenzament dal campiunadi europeic per ina surpraisa e batta l'Engalterra cun 1:0.

Legenda: Keystone

La squadra da Mauro Lustrinelli cumenza perfetg en il campiunadi europeic en la Slovenia e l'Ungaria. Ella batta gist en l'emprima partida in dals gronds favurits sin il titel. Il gol decisiv ha sajettà Dan Ndoye en la 78avla minuta.

Portugal batta Croazia

En la segunda partida da la gruppa svizra gudogna la U-21 portugaisa cunter la Croazia cun 1:0. Fabio Vieira ha marcà en la 68avla minuta, curt suenter ch'el era vegnì en il gieu.

La proxima partida per la Svizra ha lieu dumengia cunter la Croazia. L'ultim adversari da gruppa è ils 31 da mars il Portugal. Ils emprims dus da la gruppa sa qualifitgeschan per ils quartfinals e la runda da k.o.. Quella cumenza alura ils 31 da matg.

RTR Novitads 17:00

Artitgels legids il pli savens

Scrollar a sanestra Scrollar a dretga