La squadra naziunala svizra U21 manchenta be per pauc il mez-final dal campiunadi europeic en Rumenia e la Gerogia. Ils Svizzers han pers la partida da quartfinal cunter il favurit la Spagna – quai cun 1:2 suenter prolungaziun. La decisiun è crudada en la 103avla minuta grazia al gol da Juan Miranda.
En la segunda mesadad da la prolungaziun ha la Svizra empruvà tut cun 1:2 en retard per forsa anc pudair la fin finala pudair sajettar penaltis. Cunzunt il giugader Zeki Amdouni è ì a l'offensiva. L'um ch'ha fatg en 5 gieus da la liga naziunala A 5 gols era stà quel ch'aveva egualisar en il temp regular per pudair ir en la prolungaziun.
Olimpia 2024 senza ils Svizzers
Cunquai che la U21 n'ha betg cuntanschì il mezfinal, è clèr ch'ils gieus olimpics 2024 a Paris vegnan ad avair lieu senza la Svizra.
