Las curlistas svizras enturn la skip Silvana Tirinzoni cuntanschan al campiunadi mundial a Calgary ina marca speziala: Cun 9 a 4 cunter la China gudognan ellas er il sisavel da sis gieus. Nagin'autra equipa da la Svizra ha gì insacuras in tal start perfetg ad in campiunadi mundial.
Partida cunter Danemarc: A las Svizras grategia la sensaziun
Cunter il Danemarc è gartegià a las Svizras in gieu istoric. Ellas han dumagnà ina chasa cun otg craps. Quai è il resultat maximal en in end. Ina chasa dad otg ad in turnier da titel internaziunal – tar las dunnas sco era tar ils umens – n'è fin uss betg documentà. Gia ina chasa da sis è sin quest nivel fitg darar. Il gieu ha l'equipa enturn la skip, Silvana Tirinzoni la finala gudagnà cun 13:4.