Noe Roth siglia en il final a Bakuriani in back-full-double-full-full, quai èn quatter struvas e trais saltos. Ils 118,59 puncts per quest sigl portan la medaglia d'aur al skiunza da 22 onns dal chantun Zug.
Argient ha fatg l'American Quinn Dehlinger, a bronz è siglì il Chinais Lonxiao Yang. Nicolas Gygax n'ha betg pudì star ses sigl en il final, e per Pirmin Werner sco era per Andrin Schädler èsi stà a fin en la qualificaziun. Skiunzas svizras n'èn betg sa participadas a la concurrenza da Aerials.
