Siglir tar il cuntegn

Header

cuntegn

Campiunadi mundial Altenberg Premiera per il pilot da bob Cédric Follador

Per l’emprima giada va Cédric Follador da Bever cun il bob a quatter a la partenza d'in campiunadi mundial. Ad Altenberg en la Germania ha el sia premiera.

Dapi divers onns parta Cédric Follador da Bever cun il bob a dus, dentant era cun il bob a quatter en la cuppa d’Europa. Tranteren ha el dentant era pudì ir a la partenza da cursas da la cuppa mundiala da bob. A La Plagne en Frantscha avant in onn ha el gì sia premiera tar l’elita.

In da trais bobs svizzers a la partenza

Dacurt è Michael Vogt vegnì cun il bob a quatter campiun mundial da juniors a San Murezzan. Cédric Follador era sco tschintgavel il segund meglier Svizzer. Damai ch'il pilot engiadinais ha era gia mussà bunas prestaziuns ad Altenberg en la cuppa d’Europa – ha la Federaziun svizra da bob nominà el per quest campiunadi mundial. Che Follador conuscha la pista ad Altenberg è segir in avantatg. Er sch'il chanal da glatsch sa preschenta adina in zichel en in'autra furma.

audio
Cédric Follador per l'emprima giada ad in campiunadi mundial
02:41 min, Actualitad dals 11.02.2021.
laschar ir. Durada: 02:41 minutas.


Il pilot è il medem, l’equipa dentant mida

Fertant che Cédric Follador è adina il pilot, mida il rest da l’equipa dal bob adina in zichel. Dal campiunadi mundial da juniors a San Murezzan po il pilot engiadinais prender ils dus stumpladers cun el, il franader dentant vegn remplazzà atras in pli ferm. Per eruir il campiun mundial en il bob a quatter datti quatter cursas durant dus dis.

RTR actualitad 17:00

Artitgels legids il pli savens

Scrollar a sanestra Scrollar a dretga