Suenter la cumbinaziun da las dunnas suanda oz la segunda concurrenza dals Campiunadis mundials a Courchevel/Méribel: la cumbinaziun alpina dals umens. Tar la cumbinaziun alpina datti en l'emprim percurs in super-G ed en il segund in slalom.
Il pli spert è stà il skiunz local da Courchevel Alexis Pinturault, segund è il campiun mundial dal 2021 Marco Schwarz da l'Austria, terz ses cumpatriot Raphael Haaser.
- Alexis Pinturault 1:08:25
- Marco Schwarz +0,06 secundas
- Raphael Haaser +0,14 secundas
Marco Odermatt ha manchenta ina porta curt avant l'arriv, el n'aveva dentant betg l'intenziun da far il slalom. Ils auters Svizers èn stads circa ina secunda pli plauns che Pintaurault. Il megler Svizzer è Justin Murisier sin plaz 6. In dals favurits Loïc Meillard stu mussar in gronda prestaziun en il slalom per anc far ina medaglia. il super-G n'è betg ì dal tut tenor plan. Il Grischun Stegan Rogentin è sin plaz 9, el na vegn dentant betg a far il slalom.
- 6. Justin Murisier +1,03 secundas
- 9. Stefan Rogentin +1,18 secundas
- 12. Loïc Meillard +1,34 secundas
Il slalom cumenza las 14:30.
