Al campiunadi mundial dad unihockey ad Uppsala en Svezia han las Svizras gudagnà bronz. En il gieu per il terz plaz han ellas battì la Tschechia cun 5:2. En il final dat la Svezia cunter la Finlanda.
Cun dus gols da Corin Rütimann aifer 66 secundas al 4:2 accelereschan las unihockeyanas svizras en direcziun victoria.
Las Svizras van uschia per la dieschavla medaglia al 13avel campiunadi mundial, la tschintgavla giada èsi uss bronz.