Il campiunadi mundial da ballape il december en il Katar ha lieu senza l’Italia: En il mezfinal dals playoffs ha la «Squadra Azzura» pers a chasa cunter la Macedonia dal Nord cun 0:1. Il campiun europeic manchenta uschia gia per la segunda giada en seria il campiunadi mundial.
En il final dals playoffs frunta la Macedonia dal Nord uss sin il Portugal. Ils Lusitans han battì la Tirchia cun 3 ad 1. Er ina runda vinavant è la Valisa ch’ha battì l’Austria cun 2:1. Omadus gols ha fatg Gareth Bale. La Svezia ha gudagnà cunter la Tschechia cun 1:0 suenter prolungaziun.