Siglir tar il cuntegn

Campiunadi mundial da biatlon Quartet svizzer manchenta medaglias per 1,2 secundas

La staffetta maschadada svizra cun Sebastian Stalder, Niklas Hartweg, Lena Häcki-Gross ed Amy Baserga è vegnida quarta al campiunadi mundial da biatlon a Nove Mesto en Tschechia. L'echipa svizra ha pudì tegnair cun ditg cun las meglras echipas. La fin finala han be 1,2 secundas mancà per ina medaglia. Lena Häcki-Gross ha surdà sco segunda ad Amy Bserga, quella n'ha però betg pudì tegnir il tempo ed è anc crudada enavos.

Fitg buna prestaziun da sajettar

Cun be trais sbagls da sajettar e naginas rundas da chasti è la Svizra stada la meglra echipa al stan da sajettar. En la loipa han però tuts, danor Häcki-Gross, pers temp sin la concurrenza.

Gudagnà la staffetta maschadada ha la Frantscha, avant la Norvegia e la Svezia.

RTR novitads 20:00

Artitgels legids il pli savens