La squadra svizra da las dunnas enturn la skip Silvana Tirinzoni è sa qualifitgada per il final dal campiunadi mundial a Calgary. En il mezfinal han las Svizras battì las Americanas cleramain cun 7:3. En il final fruntan las defensuras dal titel sin las Russas ch'han battì las Svedaisas cun 8:7. Il final è questa saira a las 21:00, temp svizzer.
Svizras avevan cuntanschì il mezfinal sin via directa
Sco victuras da la Round Robin eran las curlistas svizras sa qualifitgadas directamain per il mezfinal a Calgary. En tut han las curlistas svizras gudagnà 12 da 13 gieus da la prerunda al campiunadi mundial da curling a Calgary.