Siglir tar il cuntegn

Header

video
Las Svizras cuntanschan il mezfinal al campiunadi mundial
Or da Sport-Clip dals 28.08.2021.
laschar ir
cuntegn

Campiunadi mundial da hockey Svizras cuntanschan il mezfinal

Las hockeyanas svizras han surprendentamain cuntanschì il mezfinal dal campiunadi mundial a Calgary en il Canada. L'equipa dal trenader Colin Muller ha gudagnà cunter la Russia cun 3:2 suenter prolungaziun. Quai suenter che las Russas manavan gia cun 2:0. Il gol decisiv per las Svizras ha fatg Laura Zimmermann en la sisavla minuta da la prolungaziun. Igl è bain ina surpraisa. En la fasa da gruppa avevan las hockeyanas svizras persa tuttas quatter partidas. Quai cun in score total da 1:17. Grazia al sistem dal campiunadi mundial da hockey èn ellas alura tuttina sa qualifitgadas per il quartfinal.

La notg sin mardi fruntan las Svizras en il mezfinal sin las Canadaisas.

RTR novitads 23:00

Artitgels legids il pli savens

Scrollar a sanestra Scrollar a dretga