Siglir tar il cuntegn

Header

cuntegn

Campiunadi mundial Flury, Caviezel, Rogentin e Tumler pon ir

Jasmine Flury, Gino Caviezel, Stefan Rogentin e Thomas Tumler èn ils atlets grischuns che pon ir als campiunadis mundials da skis a Courchevel/Méribel ch'èn dals 6 fin ils 19 da favrer. Swiss Ski ha dà enconuschent sia selecziun.

Tar ils umens vegnan 5 ulteriurs atlets selecziunads suenter il slalom dals 4 da favrer a Chamonix. La Svizra dastga sa participar cun 10 dunnas e 14 umens. Tenor communicaziun veglian ins nizzegiar l'entir contingent. Da tge disciplina che tge atlet u atleta po mintgamai sa participar, decidan ils trenaders al lieu. La selecziun vegnia lura publitgada sin ils chanals da las medias socialas.

Selecziun dunnas:

  • Aline Danioth
  • Andrea Ellenberger
  • Jasmine Flury
  • Michelle Gisin
  • Lara Gut-Behrami
  • Joana Hählen
  • Wendy Holdener
  • Priska Nufer
  • Camille Rast
  • Corinne Suter

Selecziun umens:

  • Gino Caviezel
  • Niels Hintermann
  • Loïc Meillard
  • Alexis Monney
  • Justin Murisier
  • Marco Odermatt
  • Stefan Rogentin
  • Gilles Roulin
  • Thomas Tumler

RTR novitads 17:00

Artitgels legids il pli savens