La passlunghista grischuna Marina Kälin ha pudì festivar ses pli grond success da la carriera al campiunadi mundial dals juniors a Whistler en il Canada. L'Engiadinaisa da 19 onns ha gudagnà la medaglia da bronz sur ils 10 kilometers skating cun partenza singula.
Ella saja atgnamain viagiada a Whistler cun la speronza sin ina rangaziun tranter las top 10. Ch'i detti ussa però ina medaglia saja semplamain be super, ha Kälin ditg envers Swiss-Ski.
Gia sur ils 20 kilomters stil classic era l'Engiadinaisa vegnida 5avla. La medaglia aveva ella be manchentà per pauc.
