La naziunala svizra da hockey cumenza il campiunadi mundial dals U20 a Canada cun ina terrada. L'equipa dal trenader Marco Bayer ha pers a Red Deer cun 2:4 encunter la Russia. Suenter ina preparaziun cumplicada senza gieus da test e cun quarantina n'han ils Svizzers betg pudì mussar lur meglra prestaziun.
Suenter be 19 minutas eran els gia 0:3 en retard. Tuttina èsi reussì da scursanir sin 1:3 anc avant l'emprima pausa. Lura era l'equipa svizra in pau sa chattada e na lascheva betg tier bleras acziuns dals Russ en l'atgna zona. Uschia èsi stà grev per ils Russ da lantschar sajetts malsegirs. La notg sin mesamna è il defensur dal titel, ils Stadis Unids, il proxim adversari.