Mathilde Gremaud è la nova campiunessa mundiala da slopestyle. La campiunessa olimpica gudogna avant Megan Oldham dal Canada e Johanne Killi da la Norvegia. Sarah Höfflin sa tschenta gist sper il podest sin plaz quatter. Quai è gia la setavla medaglia per la Svizra a Bakuriani en la Georgia.
- Mathilde Gremaud SUI 87,95 puncts
- Megan Oldham CAN 87,75 puncts
- Johanne Killi NOR 84,71 puncts
- Sarah Höfflin SUI 65,61 puncts
La Grischuna Giulia Tanno ha in bun emprim percurs e sa tschenta cun 44,75 puncts sin plaz set. En il segund percurs cupitga ella dentant suenter ina buna entschatta e perda in ski. Uschia resulta a la fin il 10avel plaz.