Pli sperts ch’il Svizzer Roman Mityukov èn sulettamain stads il nov campiun mundial Hubert Kos da l’Ungaria, ed il defensur dal titel Ryan Murphy dals Stadis Unids. E cun il temp da 1:55,34 minutas ha Mityukov sbassà per bunamain ina mesa secunda, il record svizzer en in bogn da 50 meters.
Avant in onn tar ils campiunadis mundials a Budapest era il Genevrin sa rangà sco 7avel. Lezza giada aveva il temp da 1:55,35 tanschì per gudagnar bronz. Per ils gieus olimpics a Paris il 2024 è Mityukov gia sa qualifitgà questa primavaira.