Campiunadis mundials Saalbach - Svizra turna a chasa cun 13 medaglias
11 cursas, blera naiv e bler'allegria e travasch. Per la Svizra eran ils Campiunadis mundials da ski alpin a Saalbach in grond success. Bunamain mintga di da las davosas duas emnas ha il team naziunal pudì celebrar.
En tut tredesch medaglias van in il conto da las skiunzas e skiunzs da la Svizra – uschè bleras sco nagina autra naziun. Sco congual: Avant dus onns aveva la Svizra gudagnà il classament da naziuns cun «be» 7 medaglias.
Cun las prestaziuns a Saalbach conferman Meillard, Rast, Holdener e co. che la Svizra dominescha il sport alpin.
Survista: Tut las medaglias svizras
Avrir la boxSerrar la box
Cun in clic sin il link cotschen vegnis Vus a dapli detagls davart la cursa.
Slalom: 🥇aur per Camille Rast, 🥈argient per Wendy Holdener (15-02-25)
Slalom gigant: 🥈argient per Thomas Tumler e 🥉bronz per Loïc Meillard (14-02-25)
Cumbinaziun team: 🥇aur per Franjo von Allmen e Loïc Meillard, 🥈argient per Alexis Monney e Tanguy Nef e 🥉bronz va a Stefan Rogentin e Marc Rochat (12-02-25)
Cumbinaziun team: 🥈argient per Wendy Holdener e Lara Gut-Behrami (11-02-25)
Cursa rapida: 🥇aur per Franjo von Allmen e 🥉bronz per Alexis Monney (09-02-25)
Event da team: 🥈argient per Wendy Holdener, Luca Aerni, Delphine Darbellay e Thomas Tumler (04-02-25)
Surtut ils umens han mussà fermas prestaziuns – saja quai en las cursas singulas, dentant er per exempel en la cumbinaziun da team, nua che tut las medaglias èn idas als Svizzers. Las dunnas han surtut en il slalom – lur davosa cursa – mussà tge ch'ellas san. In pau en la sumbriva stat Marco Odermatt. Dal traidubel victur da la culla gronda avess in u l'auter spetgà dapli che «be» ina medaglia d'aur en il super-G.
Legenda:
Cun tredesch medaglias turnan las skiunzas e skiunz puspè en las cursas da cuppa mundiala. Proxima fin d'emna van ils umens la cursa rapida a Crans-Montana, las dunas van proxim venderdi a Sestiere a la partenza.
Keystone
Qua pudais leger suenter tut ils resultats dals campiunadis mundials
Themen in diesem Newsticker
13 medaglias per la Svizra durant ils campiunadis mundials
Loic Meillard è campiun mundial en il slalom
Loic Meillard cumbatta per il titel da campiun
Per finir il slalom – tut è pussaivel
Camille Rast gudogna aur, Wendy Holdener argient
Slalom: Camille Rast fa in fulminant emprim percurs
Il slalom sco ultima schanza per las skiunzas svizras
Grond bainvegni a chasa per von Allmen
Spectacul cun victoria austriaca e duas medaglias svizras
I freda da medaglias svizras en il slalom gigant
RTR Sport
Avrir la boxSerrar la box
Legenda:
Resultats, livestreams, istorgias dasper las plazzas da sport, davart las sportistas rumantschas ed ils sportists rumantschs e novitads or dal mund dal sport datti sin RTR SPORT.
RTR