Siglir tar il cuntegn

Header

video
Caviezel gudogna argient
Or da Sport-Clip dals 19.02.2023.
laschar ir. Durada: 1 minuta 58 Secundas.
cuntegn

Campiunadis mundials snowboard Dario Caviezel gudogna argient

Gia al cumenzament dals campiunadis mundials da snowboard datti ina medaglia per la Svizra. Il Grischun Dario Caviezel gudogna a Bakuriani en la Georgia argient en il slalom gigant parallel. Quai è per il snowboardist da 27 onns il pli grond success da sia carriera.

El ha battì en l’otgavelfinal il Canadais Arnaud Gaudet e l’austriac Andreas Prommegger en il quartfinal. En il mezfinal è l'um da Cuira stà pli spert ch'Alexander Payer. L’Austriac maina actual la cuppa mundiala e vala sco pli ferm snowboardist alpin. Il final cunter Oskar Kwiatkowski è lura stà ina cursa piz a cup cun la fin ventiraivla per il Polonais.

video
Caviezel: «Jau n'hai betg fatg simpel a Kwiatkowski»
Or da Sport-Clip dals 19.02.2023.
laschar ir. Durada: 2 minutas 44 Secundas.

Per Dario Caviezel da Cuira è quai sia emprima medaglia ad in campiunadi mundial. En la cuppa mundiala è il snowboardist stà fin uss duas giadas sisum il podest. Per ils snowboardists alpins cuntinuescha il campiunadi mundial mardi che vegn cun il slalom parallel.

Tar las dunnas sto Julie Zogg, sco meglra Svizra, sa cuntentar cun il 7avel plaz – ella è crudada durant il quartfinal encunter la futura campiunessa mundiala ed ha stuì vegnir transportada en l'ospital. Là han ins constatà ch'ella n'ha naginas rutadiras u autras grevas blessuras. Ladina Jenny, Patrizia Kummer e Jessica Keiser èn crudadas ora gia en ils 8avels finals. Nova campiunessa mundiala è Tsubaki Miki dal Giapun.

RTR novitads 12:00

Artitgels legids il pli savens