Alessandra Keller e Thomas Litscher sa segireschan a Crans-Montana il titel da campiun svizzer en il short track. La Sutsilvania da 27 onns ha decis la cursa en l'ultima runda a sia favur, distanziescha la segunda plazzada Ronja Blöchlinger per 4,2 secundas. Bronz ha fatg Steffi Häberlin.
Igl è stà ina cursa fitg tactica, jau sun leda che mia strategia ha funcziunà.
L'onn passà ha Keller gudagnà la cuppa mundiala generala en questa disciplina sco era en il cross-country.
Tar ils umens è Litscher sa mess atras en il sprint cunter Lars Forster. Timon Rüegg ha cumplettà il podest. Betg a la partenza èn stads la victura da l'onn avant Jolanda Neff (malsauna) e Filippo Colombo (blessà).