Cas da doping - Martin Grab bandischà per dus onns dal resgim
L'avrigl 2018 haja ina controlla da doping ordaifer ina concurrenza da lutga purtà a la glisch la substanza scumandada Tamoxifen tar il lutgader da 40 onns da Sviz, scriva Swiss Olympic.
Legenda:
Martin Grab sto star davent per dus onns da la lutga. Damai ch'el è dentant gia sa retratg dal sport, n'ha la sentenzia nagin effect sin la lutga.
Keystone
L'avrigl 2018 haja ina controlla da doping ordaifer ina concurrenza da lutga purtà a la glisch la substanza scumandada Tamoxifen tar il lutgader da 40 onns da Sviz, scriva Swiss Olympic. L'analisa da la prova B ha confermà ils fatgs. Damai che Martin Grab da Sviz è sa retratg il matg 2018, n'ha la sentenzia nagin effect quai che pertutga il sport.
Tamoxifen
Avrir la boxSerrar la box
Tamoxifen è in medicament che vegn duvrà per chemoterapias, prest be per cas da cancer dal sain. Tamoxifen sez n'augmenta betg la prestaziun, dentant po il medicament moderar ils effects negativs d'anabolica. Gliez è in ormon che vegn savens malduvrà dad atlets che fan sport da forza.
Grab ha enfin uss sincerà ch'el saja innocent, malgrà ils mussaments che discurran cunter el.
