Siglir tar il cuntegn

Header

audio
CB Lumnezia – i va per tut u nagut la sonda
Or da Actualitad dals 25.06.2021.
laschar ir. Durada: 03:34 minutas.
cuntegn

CB Lumnezia En il davos gieu vai per tut ni nagut

Ina meglra finiziun da la stagiun n’avessan ils Lumnezians betg pudì giavischar. En il davos gieu da campiunadi spetga il derbi encunter l’US Schluein Glion. Plinavant cumbatta il CB Lumnezia per la promoziun en 3. liga.

Gudogna il CB Lumnezia quest davos gieu da campiunadi a Vella encunter la segunda equipa da l’US Schluein Glion, èn ils Lumnezians promovids per la 3. liga. Tar in pari u ina terrada fa il CB Surses il pass en la liga pli auta.

I va en emprima lingia per gudagnar quest derbi – e betg per ir si en 3. liga.
Autur: Giacun Vinzens trenader CB Lumnezia

Ils vischins da Schluein Glion na vegnan però betg a far simpel a Lumnezia. Quests derbis sajan adina extrems, i giaja adina dir sin dir, savens oss sin oss – manegia il defensur lumnezian, Remigi Collenberg. Il plaschair e la tensiun sin quest final è en mintga cas grond, tar giugaders e trenaders.

audio
Intervista cun Silvan Caduff, il president dal CB Lumnezia
03:48 min, RTR Audio dals 25.06.2021.
laschar ir. Durada: 03:48 minutas.

Insatge è dentant segir, sch’i tanscha ni sch’i na tanscha betg dad ir si en 3. liga, suenter il gieu vegni en mintga cas fatg festa a Vella. Il gieu da quarta liga tranter il CB Lumnezia ed l’US Schluein Glion II cumenza la sonda, ils 26 da zercladur, a las 14:00 uras.

Actualitad 17:00

Artitgels legids il pli savens

Scrollar a sanestra Scrollar a dretga