Il FC Vaduz fa il pass en la barrascha. Malgrà che la squadra dal Liechtenstein ha pers cunter Kriens cun 1:2 resta Vaduz sin posiziun dus da la tabella. Quai er pervia ch'ils Grashoppers han pers en il derbi turitgais cunter Winterthur cun 0:6.
Anc n'èsi betg cler cunter tgi ch'ils da Vaduz han da giugar en la barrascha. En dumonda vegnan anc Sion e Thun. Sche l'adversari è Thun han ils gieus da barrascha lieu ils 7 e 10 d'avust, sche l'adversari sa numna Sion ils 10 e 13 d'avust. Omaduas giadas avess l'emprim gieu lieu en il Rheinpark a Vaduz.