Il campiun svizzer Zug ha pers cunter Minca cun 1:6. Tranter auter n'ha er Leonardo Genoni betg persvas en il gieu da qualificaziun per ils otgavelfinals. Suenter mes'ura ha el stuì far plaz a Luca Hollenstein.
Ed era Lugano ha pers a chasa cunter ils Berliner Eisbären cun 2:4. Cunquai ch'il concurrent direct da Lugano per il segund plaz, Skelleftea n'aveva er betg fatg puncts avessan ils Tessinais gì enta maun sez la decisiun. Ma ì n'è betg reussì ad els da nizzegiar questa schanza.
Losanna ha gudagnà bain cun 3:1 a Mannheim. Il club da la Svizra franzosa na pudeva però gia avant la partida betg pli cuntanscher ils otgavelfinqals da la Champions League. Avant in'emna avevan els pers cunter il medem adversari cun 2:5 ed uschia manchentà la qualificaziun.