Siglir tar il cuntegn

Header

video
Tavau procura per ina bella surpraisa en la Svezia
Or da Sport-Clip dals 02.09.2022.
laschar ir. Durada: 2 minutas 5 Secundas.
cuntegn

Champions Hockey League Il HCD cumenza cun ina victoria

Cun ina surpraisa finescha l’emprima partida dal club da hockey da Tavau en la Champions Hockey League. Ils da Tavau gudognan cun 3:2 cunter Skelleftea.

Cunter il terz da la qualificaziun da la stagiun passada, en il campiunadi svedais – è il HCD ì trais giadas en avantatg. Il 3:2 tras il defensur svedais Klas Dahlbeck (44.) è stà il gol da victoria. Ils dus auters gols per ils Grischuns han marcà Dominik Egli (2.) e Matej Stransky (23.). Sandro Aeschlimann en il gol dal HCD ha mussà bleras paradas.

Resultats dals auters clubs svizzers

La sonda ha Fribourg-Gottéron incassà ina terrada a chasa. Cunter il club norvegiais Stavanger Oilers datti in stretg 0:1. Il sulet gol da la partida ha il Norvegiais Ludvig Hoff marcà en la 6avla minuta.

Il venderdi ha era Zug cumenzà cun ina victoria la Champions Hockey League. Il campiun svizzer ha gudagnà ordaifer cunter il club tudestg da Wolfsburg cleramain cun 5:2.

Gia la gievgia èn ils trais ulteriurs clubs svizzers stads en acziun. Fribourg-Gottéron ha fatg in 3:2 cunter ils Finlandais da Ilves Tampere. Era gudagnà han ils ZSC Lions, quai cleramain cun 7:1 cunter Szekesfehervar da l’Ungaria. Rapperswil-Jona percunter sto magunar ina terrada da 1:4 a chasa cunter RB München.

RTR novitads 22:00

Artitgels legids il pli savens

Scrollar a sanestra Scrollar a dretga