En l’otgavelfinal da la Champions Hockey League spetga ina gronda sfida per il Club da hockey da Tavau. La sort ha decis ch'il HCD frunta sin il club finlandais e finalist da l'onn passà Tappara Tampere. Duels tranter las quatter squadras svizras na datti ni en l’otgavelfinal ni en il quartfinal.
Ils ZSC Lions da Turitg ston sa duellar cunter ils svedais da Skelleftea, Fribourg-Gotteron frunta sin l'ulteriur club finladais Mikkelin Jukurit. L'EV Zug sa mesira cun Red Bull Minca. Ils gieus da partenza èn ils 15 e 16 da november e quels da return in'emna pli tard.
