Champions League - Chelsea gudogna per la segunda giada

L'FC Chelsea gudogna per la segunda giada la Champions League. Ils "Blues" han gudagnà il final spirontamain englais cun 1:0 cunter Manchester City. Il gol da victoria ha sajettà il Tudestg Kai Havertz en la 42-avla minuta. Manchester City sto uschia vinavant spetgar sin l'emprim titel en la "classa roiala". Il final da la Champions League è stà a Porto avant 16'500 aspectaturas ed aspectaturs.