Il final da la Champions League tranter Manchester City ed il FC Chelsea è planisà avant ina culissa cun 16'500 aspectaturas ed aspectaturs. Sco quai che l'UEFA communitgescha han las autoritads portugaisas lubì ch'il stadion a Porto vegn occupà per in terz.
Quai vul dir ch'ils dus clubs survegnan mintgamai in contingent da 6'000 bigliets. 1'600 bigliets van en la vendita libra sur l'Uefa. Per entrar en il stadion ston ils aspectaturs e las aspectaturas cumprovar ch'els èn vaccinads u ch'els èn testads negativ sin il coronavirus.