Siglir tar il cuntegn

Header

cuntegn

Champions League Real Madrid cunter Liverpool è la partida da final

Real Madrid ha pudì volver la partida da mezfinal cunter Manchester City en las davosas minutas. Ditg hai vis or sco sch'il team da Pep Guardiola vegniss en il final. Grazia a dus gols da Rodrygo han tuttina ils Sagnols pudì far il pass en il final – là frunta Real Madrid sin Liverpool.

Real Madrid è sa qualifitgà per il final da la Champions League. Suenter la terrada da 3:4 en l’emprim gieu cunter Manchester City han ils Spagnols gudagnà il gieu da return a chasa cun 3:1 suenter prolungaziun. Ditg guardava tut or d'in final englais. Curt avant la fin da la partida ha Rodrygo dentant fatg dus gols entaifer 89 secundas ed uschia vulvì la partida. En la prolungaziun ha lura Karim Benzema fatg il gol decisiv via penalti. Uschia giogan ils Madrilens per la 17avla giada en il final da la Champions League.

Sco gia il 2018 frunta l'equipa da Carlo Ancelotti puspè sin Liverpool ch’ha eliminà Villareal. Il final è ils 28 da matg a Paris.

video
Real Madrid ha dumagnà da volver la partida e stat en il final
Or da Sport-Clip dals 05.05.2022.
abspielen. Laufzeit 9 minutas 10 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga