Il club da Genevra sa qualifitgescha per l’emprima giada per la fasa ina fasa da gruppa. Servette gudogna en la segunda runda da qualificaziun da la Champions League a Genk suenter sajettar penaltis, ed è uschia almain en l’Europa League.
Avant var in’emna aveva Servette giugà a chasa pari 1:1 cunter Genk. E la mesemna saira hai tanschì per in ulteriur pari 2:2 – era sch’ils Genevrins han stuì dar gia davent da la 5avla minuta cun in giugader damain.
Suenter 120 minutas steva il gieu 2:2, era grazia a l’engaschament total da Servette cun magari set fin otg giugaders en la zona da 16. En il sajettar penaltis ch’è stà necessari han ils Svizzers lura decidì il gieu en lur favur.
Uss cunter ils Glasgow Rangers
Il gieu da la terza e segund davosa runda da qualificaziun per la Champions League suonda gia l’emna proxima. Ordaifer vai cunter il club da la Scozia ils Glasgow Rangers. Il gieu da return è lura duas emnas pli tard. Era sche Servette perda quest duel, il club è en mintga cas en l’Europa League.