Siglir tar il cuntegn

Header

cuntegn

Champiunadi da hockey Il puck glischna era puspè en las ligas pli bassas

Las equipas da hockey da las ligas pli bassas pon cuntinuar cun il champiunadi. Suenter ina interrupziun da sis emnas turnan las equipas puspè sin il glatsch. Il champiunadi cuntinuescha dentant gist cun las partidas da playoff otgavelfinal.

Suenter che il Cussegl federala aveva communitgà curt avant Nadal novas mesiras da restricziun pervia dal coronavirus, aveva la liga da hockey decidì dad interrumper ils champiunadis da hockey en las ligas pli bassas. Pertutgadas da questa mesira eran tut las equipas da hockey da l’emprima liga engiu. Uschia era las equipas grischunas che dattan en segunda ed en terza liga sco per exempel il EHC San Murezzan, il Cdh Engiadina e Lai Valbella. Era tut las equipas da la terza e da la quarta liga han stuì laschar lur patins en la gardaroba.

Champiunadi cuntinuescha direct cun ils playoffs

Cun il meglierament da la situaziun da corona turna era puspè vita sin las differentas plazzas da glatsch. La liga da hockey ha decidì da cuntinuar cun ils champiunadis en las ligas pli bassas direct cun ils playoffs. Uschia s’inscuntra

  • il EHC San Murezzan cun Küssnacht en l’emprima runda dals otgavel finals,
  • il Cdh Engiadina dat encunter Sursee
  • ed il EHC Lai Valbella dat cunter il EV Zug.

La seria dad otgavel final cumenza sonda ils 29 da schaner e vegn giugada en il modus da «best of three».

RTR novitads 12:00

Artitgels legids il pli savens

Scrollar a sanestra Scrollar a dretga